“გოგნის ტაძარში სიცხისაგან შეწუხებული თხები პეტელობენ და ზურგებს იფხანენ წმინდა გიორგის ხატებზე. მინდა დავსვა შემდეგი კითხვა: ვინაა პასუხისმგებელი ამ ყველაფერზე?”

თერჯოლის სოფელ გოგნში მდებარე ეკლესიას თავს თხები აფარებენ.

როგორც სოფლის მკვიდრი დარეჯან ჭანტურიძე ამბობს, ახლადაშენებულ ტაძარს თხები შეეჩვივნენ, რომლებიც ტაძარში დასვენებულ ხატებს აზიანებენ.

“მოგესალმებით მეგობრებო! ეს ტაძარი გოგნის წმინდა გიორგის კარუგდებელი ტაძარია. ის მრევლის მიერ შეწირული თანხებით არის აგებული. ამ უწმინდეს ადგილზე ათიათასობით მომლოცველი მოდის. ეს ადგილი წმიდათა წმინდაა ჩვენთვის. აქ ახლა ასეთი სიტუაციაა: ტაძარში სიცხისაგან შეწუხებული თხები პეტელობენ და ზურგებს იფხანენ წმინდა გიორგის ხატებზე. მინდა დავსვა შემდეგი კითხვა: ვინაა პასუხისმგებელი ამ ყველაფერზე? ამ პოსზე მოვნიშნავ ყველას, ვისაც კი ვიცნობ და დღეს მთავრობაშია და დაველოდები მათგან შესაბამის რეაგირებას,”-ამბობს დარეჯან ჭანტურიძე.