რა იცვლება კუპრაძის ქუჩაზე სამუშაოების დასრულების შემდეგ?

ქუთაისში, კუპრაძის ქუჩაზე, გზის სარეაბილიტაციო სამუშაოები სრულდება.

ქალაქის მერიის ინფორმაციით, სამუშაოების ფარგლებში, გზის სავალ ნაწილზე მთლიანად შეიცვალა ასფალტო-ბეტონის საფარი, მოეწყო დახურული ტიპის ახალი სანიაღვრე სისტემა და ეზოებში შესასვლელები. ასევე, წესრიგდება ტროტუარი.

კუპრაძის ქუჩაზე სამუშაოებს შ.პ.ს. ,,გზამშენი XXI“ აწარმოებს. გზის რეაბილიტაციისთვის 1 223 300 ლარი იყო გათვალისწინებული. პროექტი საპილოტე რეგიონების ინტეგრირებული განვითარების პროგრამის (სრიგპ) ფარგლებში დაფინანსდა.