'ტორპედო'-ს ხელმძღვანელობა ადასტურებს, რომ კახა ჩხეტიანთან კლუბში დაბრუნებაზე მოლაპარაკება მიმდინარეობს

ქუთაისის აკაკი წერეთლის სახელმწიფო უნივერსტიტეტში, ქუთაისის „ტორპედოს“ ხელმძღვანელობასა და გულშემატკივრებს შორის მორიგი შეხვედრა გაიმართა.

კლუბის ინფორმაციით, საუბრის ძირითადი დრო გუნდში არსებულ ვითარებასა და ახალი მწვრთნელის კანდიდატურის განხილვას დაეთმო. კლუბის ხელმძღვანელობამ დაადასტურა, რომ მოლაპარაკება კახა ჩხეტიანთან მიმდინარეობს და შესაძლებელია უახლოეს დღეებში წარმატებით დასრულდეს.

ყურადღება გამახვილდა ასევე ინფრასტრუქტურულ საკითხებზეც, მათ შორის რამაზ შენგელიას სახელობის სტადიონის რეკონსტრუქციაზე.