ქუთაისის მერიის მხარდაჭერით, 12-15 მაისს, ქუთაისში თანამედროვე ხელოვნების საერთაშორისო ფესტივალი გაიმართება

თარიღი : 11-05-2022, 12:27 | კატეგორია: ახალი ამბები, ანონსი

ქუთაისის მერიის მხარდაჭერით, 12-15 მაისს, ქუთაისში თანამედროვე ხელოვნების საერთაშორისო ფესტივალი "ქარავან არტ ფორუმი ქუთაისი 2022" გაიმართება.

ფესტივალის პროგრამა:

12 მაისი

18:00 საათი - დავით კაკაბაძის სახელობის ქუთაისის სახვითი ხელოვნების გალერეაში „ქარავან არტ ფორუმი ქუთაისი 2022“ -ის გახსნა. თანამედროვე ხელოვნების საერთაშორისო გამოფენა; გალერეის ფასადზე თემატური ფოტო- გამოფენის „Urban Landscapes“ პრეზენტაცია.

20:00 საათი - დავით კაკაბაძის სახელობის ქუთაისის სახვითი ხელოვნების გალერეის შიდა ეზო, მოწვეული მხატვრების ვიდეო პროექციები.

13 მაისი

12:00 საათი - ქუთაისის სახელმწიფო მუზეუმი, კონფერენცია; სალონიკის მუზეუმის და პარიზიდან მოწვეული სპეციალისტების მიერ, მუზეუმისა და რესტავრაციის უახლეს მეთოდოლოგიაზე სემინარის და დისკუსიის გამართვა

15:00 საათი - ქუთაისის ფოტო- მუზეუმის საარქივო მასალის გამოფენა (სალონიკის და ქუთაისის ფოტო- მუზეუმებს შორის პარტნიორული ურთიერთობის გაფორმება);

ქუთაისის მხატვართა კავშირის საგაზაფხულო გამოფენა;

19:00 საათი - დავით კაკაბაძის სახელობის ქუთაისის სახვითი ხელოვნების გალერეის შიდა ეზო, ვიდეო პროექცია;

14 მაისი

12:00 საათი - ქუთაისის სახელმწიფო მუზეუმი, მხატვრების პრეზენტაცია;

15:00 საათი - მაიაკოვსკის სახლ-მუზეუმი, ბაღდათი, სტუმრების საქმიანი ვიზიტი;

19:00 საათი - დავით კაკაბაძის სახელობის ქუთაისის სახვითი ხელოვნების გალერეის ფასადზე Street Art, Rock & Wall პროექტის პრეზენტაცია. პიერ ტერასონი (ფოტოგრაფია), კახა ერისთავი (ფერწერა), ინსტალაცია, ფოტო- კოლაჟი, გაგა ფრანის მუსიკის თანხლებით.

15 მაისი

12:00 საათი - გელათის სამონასტრო კომპლექსში მოწვეული რესტავრატორების და საერთაშორისო მუზეუმების წარმომადგენლების პროფესიული ვიზიტი;

„ქარავან არტ ფორუმი ქუთაისი 2022“ - ის დახურვა.

ფოტო: დეა მანაგაძე

ნანახია: 368-ჯერ