ტყიბულელი მოსწავლე ერთი წლით ამერიკაში ისწავლის

ტყიბულის N6 საჯარო სკოლის მე-11 კლასის მოსწავლე გიორგი ბოჭორიშვილი ერთდროულად გახდა ორი გაცვლითი პროგრამისა და ერთი ამერიკული უნივერსიტეტის საზაფხულო პროგრამის გამარჯვებული.

ის არის მომავალ ლიდერთა გაცვლითი პროგრამის- FLEX-ის ფინალისტი, რომელიც შესაძლებლობას აძლევს ქართველ მოსწავლეებს ისწავლონ ამერიკულ სკოლებში და იცხოვრონ ამერიკულ ოჯახებში, რათა მოხდეს აშშ-სა და საქართველოს შორის კულტურისა და ფასეულობების წარმატებულად გაცვლა. გიორგი ერთი აკადემიური წლის განმავლობაში აშშ-ში ისწავლის.

ასევე ის არის ბენ ფრანკლინის სახელობის პროგრამის ერთადერთი გამარჯვებული, რომელიც “აშშ-ის საელჩო საქართველოში”-მ შეარჩია საქართველოს ელჩად.

გიორგიმ 97%-იანი დაფინანსება მოიპოვა Yale University-ის(ერთ-ერთი პრესტიჟული ამერიკული უნივერსიტეტის) საზაფხულო პროგრამაში.

“სასიხარულოა, რომ მსგავს კონკურენტიან პროგრამაში, ჩვენი სკოლის სახელით და გიორგის დამსახურებით, საქართველო კიდევ ერთხელ გამოჩნდება,”-აცხადებენ სკოლაში.