‘ევროპელის თვალით დანახული საქართველო’ –ფოტოგამოფენა ქუთაისში

დღეს, თიბისი გალერეაში ქუთაისის მერიის ახალგაზრდულ სააქმეთა სამსახურის ორგანიზებით უცხოელი ფოტოგრაფების ნამუშევრების გამოფენა მოეწყო. გამოფენაზე წარმოდგენილი იყო სხვადასხვა ქვეყნების ფოტოგრაფების მიერ საქართველოში მოგზაურობის დროს გადაღებული ფოტოები. ფოტოებზე ძირითადად ასახულია საქართველოს ლანდშაფტები და მაღალმთიან რეგიონების მოსახლეობის ყოფა–ცხოვრების დეტალები.
გამოფენის მიზანია საქართველოს მრავალფეროვანი ბუნებისა და კულტურის პოპულარიზება.