ქუთაისში სასაფლაოებამდე მისასვლელი გზების წმენდა დაიწყო

აღდგომის დღესასწაულთან დაკავშირებით, ქუთაისში, საქალაქო სასაფლაოებთან მისასვლელი ცენტრალური და შიდა გზების დასუფთავება მიმდინარეობს.

ქუთაისში არსებული 13 საქალაქო სასაფლაო შპს “ქართული ტრადიციები 2011”-ის დაქვემდებარებაში შედის.

“მიმდინარეობს სასაფლაოებთან მისასვლელი ცენტრალური გზებისა და შიგა ბილიკების გაწმენდა-დასუფთავება. ამავე პერიოდში, აქტიურდება მოსახლეობის მიერ საოჯახო საფლავების გაწმენდა-დასუფთავება. შპს ,,ქართული ტრადიციები 2011" გთხოვთ, ნუ დაყრით ნარჩენებს საოჯახო საფლავების მიმდებარე ტერიტორიაზე, გამოიტანეთ ცენტრალურ გზაზე, სადაც განთავსებულია ნაგვის ურნები,”-მიმართავენ მოსახლეობას “ქართული ტრადიციების” წარმომადგენლები.