ქუთაისის მერობის ქალი კანდიდატი: –'ქუთაისს დავცლით პოლიტიკური ჭაობისგან'

"არასაპარლამენტო ოპოზიციის" ქუთაისის მერობის კანდიდატი მაგდა გაბრიჭიძე ქუთაისის მერობის შემთხვევაში თვითმმართველობის ყოფილი ხელისუფლების წარმომადგებლებისგან "გაწმენდის" პირობას დებს.
"დავცლით ქუთაისს ამ პოლიტიკური ჭაობისგან, ადამიანებისგან, რომლებსაც არაფერი გაუკეთებიათ ქალაქისთვის',–ამბობს გაბრიჩიძე. გაბრიჩიძის რადიკალური გეგმების ერთ–ერთი ნაწილია მერიაში საჯაორ მოხელეებისთვის პრემიების გაუქმება. მერობის კანდიდატი ასევე დებს პირობას, რომ მისი მერად არჩევის შემთხვევაში გააუქმებს პრემიებს და გამოთავისუფლებულ თანხას სოციალურ პროგრამებს მოახმარს. გაბრიჩიძე ასევე ამბობს, რომ შექმნის ქალაქის განვითარების ფოდს, რომელიც ყველა სოციალურად დაუცველ ოჯახზე იქნება გათვლილი.
"ქუთაისის მერია უნდა იქცეს ერთ დიდ ოჯახად",–ამბობს მერობის კანდიდატი. მაგდა გაბრიჩიძე ქუთაისის მერობის კანდიდატად დღეს, "არასაპარლამენტო ოპოზიციამ" ბაგრატის ტაძარზე ოფიციალურად დაასახელა.