სპეციალური სერვისები: ვმუშაობთ და შევეცდებით ქუთაისში გადაადგილება უსაფრთხო იყოს

სინოპტიკოსების პროგნოზით, ყინვა და უამინდობა მიმდინარე კვირის ბოლომდე გაგრძელდება. რთული მეტეოროლოგიური ვითარების გათვალისწინებით, მუშაობის საგანგებო რეჟიმზეა გადასული ქუთაისის მერიის ააიპ "სპეციალური სერვისები".

ორგანიზაციის საზოგადოებასთან ურთიერთობის განყოფილების ხელმძღვანელის, გიორგი მჟავანაძის თქმით, ყინვის გაძლიერების პარალელურად, გვიან ღამიდან გზებზე ინერტული მასალის დაყრა დაიწყო.

"მობილიზებულია ჩვენს ხელთ არსებული ტექნიკა და ცოცხალი მუშა-ხელი. ოპერატიულად დაიწყო გაწმენდითი სამუშაოები. ვმუშაობთ და შევეცდებით ქუთაისში გადაადგილება უსაფრთხო იყოს,"-ამბობს გიორგი მჟავანაძე.