ხონში მცხოვრები დევნილები უკრაინელი ხალხის დასახმარებლად ნივთებს აგროვებენ

ხონში, აფხაზეთის ქუჩაზე მცხოვრებმა დევნილებმა საომარი მოქმედებების შედეგად დაზარალებული უკრაინელი ხალხის დასახმარებლად აქცია დაიწყეს.

"დევნილებმა დავიწყეთ უკრაინელი ხალხისთვის საჭირო პროდუქტების, ჰოგიენური საშუალებების და ტანსაცმლის შეგროვება. ერთი დღის შედეგი ეს არის, ველოდებით ამ დღეებში კიდევ ბევრი ადამიანს წვლილს. იყო დრო ჩვენ გვეხმარებოდნენ, მაგრამ დადგა დრო, დღეს ჩვენ დავეხმარებით სხვას,"-ამბობს ხონის საკრებულოს წევრი ბაჩო ბასილაია.