'ქართული ოცნება' იმერეთში ქალთა ორგანიზაციას აფუძნებს

„ქართული ოცნების“ ქალთა ორგანიზაციის დაფუძნებასთან დაკავშირებით, მმართველი პარტიის თავმჯდომარე ირაკლი კობახიძე, საპარლამენტო უმრავლესობის წევრებთან ერთად რეგიონებში შეხვედრებს განაგრძობს.
მორიგი შეხვედრა დღეს ქუთაისში იმართება.

შეხვედრაზე ქალთა ორგანიზაციის დამფუძნებელი ყრილობის ჩატარებასთან დაკავშირებით პოზიციები შეჯერდა.

შეხვედრას საპარლამენტო უმრავლესობის წევრები, იმერეთში სახელმწიფო რწმუნებული და რეგიონის მუნიციპალიტეტების მერები ესწრებოდნენ.

მსგავსი ტიპის შეხვედრები ქუთაისის შემდეგ, ოზურგეთში, ზუგდიდში, ბათუმსა და ამბროლაურში გაიმართება.