დიდთოვლობამ ამბროლაურის სოფლები გზისა და ელექტროენერგიის გარეშე დატოვა

დიდმა თოვლმა და რთულმა მეტეოროლოგიურმა პირობებმა ამბროლაურის მუნიციპალიტეტის სოფლებში გადაადგილების შეფერხება გამოიწვია.

ამინდის გაუარესების გამო, რამდენიმე თემში შეიზღუდა ელექტროენერგიის მიწოდებაც. ამ დროისთვის ელექტროენერგია არ მიეწოდება სადმელის, ბუგეულისა და ხვანჭკარის თემებს.

“გზების გაწმენდითი სამუშაოები დილიდან დაიწყო და დღის მანძილზე ყველა საჭირო მიმართულებით გაგრძელდება. ასევე ინტენსიურად ხორციელდება ელ.ენერგიის აღდგენის სამუშაოები,”-აცხადებენ ამბროლაურის მერიაში.