სამართალდამცავებმა გოგი წულაია დააკავეს

პარტია „თვისუფალი საქართველოს“ იმერეთის ორგანიაციის თავმჯდომარე გოგი წულაია სამართალდამცავებმა პოლიციისათვის წინააღმდეგობის გაწევის მიზეზით დააკავეს.

„გოგი წულაია ბაღდათში პანაშვიდზე მიდიოდა. საღორიაზე, თბილისის გადახვევთან გზა გადაკეტილი იყო და მანქანებს არ ატარებდნენ. დაკეტილი იყო ბაღდათისკენ მიმავალი გზაც. გოგი მივიდა პოლიციელებთან და უთხრა, თბილისის გზას თუ კეტავთ, ამ გზის დაკეტვა რა საჭიროა. პოლიციელებმა მოკიდეს ხელი, ჩასვეს მანქანაში და საპატრულო პოლიციაში გადაიყვანეს,“ - აცხადებენ პარტიაში.

წულაიას საკითხზე ქუთაისის საქალაქო სასამართლო იმსჯელებს. სხდომის გამართვას დაახლოებით სამ საათში ელოდებიან.