ქუთაისის ბაღებში სწავლის დაწყების თარიღი შეიცვალა

ქუთაისის საბავშვო ბაღებში სასწავლო პროცესი 31 იანვრის ნაცვლად, 24 იანვარს განახლდება.

როგორც ქალაქის მერიის ააიპ “ბაგა-ბაღების გაერთიანება"-ში აცხადებენ, ემზადებიან სწავლის გასაგრძელებლად. ააიპის ხელმძღვანელის დავით წიტაიშვილის თქმით, იწყება თანამშრომელთა ტესტირება, ბაღებში საკვებისა და ჰიგიენური საშუალებების შეტანა.

ცნობისთვის, ქუთაისის მერიის ბაგა-ბაღების გაერთიანება 37 ფილიალს აერთიანებს, რომელიც 8 000-მდე აღსაზრდელს ემსახურება.