ხარაგაული-კიცხი-ზესტაფონის გზას რეაბილიტაცია უტარდება

შიდასახელმწიფოებრივი მნიშვნელობის ზესტაფონი-კიცხი-ხარაგაულის საავტომობილო გზის კმ1-კმ20 მონაკვეთზე სარეაბილიტაციო სამუშაოები მიმდინარეობს.

პროექტის ფარგლებში, ამჟამად შემდეგი სამუშაოები ხორციელდება: სუსტი გრუნტების ექსკავაცია, შევსება ქვიშახრეშით და დატკეპნა, ასევე ბეტონის სანიაღვრე მილების მოწყობა, საფუძვლის რეციკლირება და საფარის ქვედა ფენის მსხვილმარცვლოვანი ცხელი ასფალტ-ბეტონის დაგება, სისქით 6სმ.

აღნიშნული პროექტი სახელმწიფო ბიუჯეტიდან 14,288,887 მლნ. ლარად ფინანსდება.

სამუშაოებს ქართული კომპანია "New Road" ახორციელებს, ხოლო პროექტის დასრულება 2023 წელსაა დაგეგმილი.