‘ჩვენ გვექნება 25 კილომეტრიანი კეთილმოწყობილი გზა, რომელიც მოემსახურება ხარაგაულის მოსახლეობას,’-ხარაგაული-კიცხი-ზესტაფონის გზის რებილიტაცია დაიწყო

ხარაგაული-კიცხი-ზესტაფონის გზის რებილიტაცია დაიწყო.

ხარაგაულის მერის, კობა ლურსმანაშვილის თქმით, 25-კილომეტრიანი გზა თანამედროვე მოთხოვნების შესაბამისად მოეწყობა და ხარაგაულის მოსახლეობას მოემსახურება.

“პროექტი, რომელიც ცოტა ხნის წინ დაანონსდა, დაიწყო. საზოგადოების ერთმა ნაწილმა ეს რეალობად მიიღო და მეორე ნაწილმა წინასაარჩევო დაპირებად. ფაქტი სახეზეა, რომ პროექტის განხორციელება მიმდინარეობს.

მინდა ხაზი გავუსვა ხარაგაული -კიცხი - ზესტაფონის გზის მნიშვნელობას. იგი რა თქმა უნდა, სამუშაო ფორმაში იყო, მაგრამ ხშირად სჭირდებოდა სარეაბილიტაციო სამუშაოები, ამიტომ გადაწყვეტილება იქნა მიღებული, რომ ერთხელ და საფუძვლიანად გაკეთებულიყო. ჩვენ გვექნება 25 კილომეტრიანი კეთილმოწყობილი გზა, რომელიც თანამედროვე მოთხოვნების შესაბამისად მოეწყობა და მოემსახურება ხარაგაულის მოსახლეობას,”-ამბობს კობა ლურსმანაშვილი.