იმერეთში ვირუსს მედიკოსის სიცოცხლე ემსხვერპლა

ვირუსულ ინფექციას იმერეთში მედიკოსის სიცოცხლე ემსხვერპლა. ვირუსისგან გამოწვეული გართულებებით, ჭიათურაში, “ჰეოჰოსპიტალსის” სამედიცინო ცენტრის კლინიკური მენეჯერი გარდაიცვალა.

“ჭიათურის საზოგადოებამ კიდევ ერთი დიდი დანაკლისი განიცადა. გარდაიცვალა ცნობილი ექიმი, "ჯეო-ჰოსპიტალსის" სამედიცინო ცენტრის კლინიკური და ხარისხის მართვის სამსახურის ხელმძღვანელი დავით ბიწაძე.

ღრმა მწუხარებას გამოვთქვამ და ვუსამძიმრებ მის ოჯახს,ახლობლებს კოლეგებსა და მეგობრებს!

დავით ბიწაძე, როგორც საუკეთესო ბავშვთა ექიმი და ძლიერი მენეჯერი, ძალიან დააკლდება ჩვენს ქალაქს,”-ამბობს ჭიათურის მერი გივი მოდებადე.