როგორია წინასაარჩევნო მდგომარეობა წყალტუბოში?

ადგილობრივი არჩევნების მოახლოვება უკვე მთელს საქართველოში იგრძნობა და ბუნებრივია წყალტუბოშიც მძაფრდება პოლიტიკური ვნებათაღელვა. განსაკუთრებულ რეჟიმში მუშაობს წყალტუბოს № 58 საოლქო საარჩვნო კომისია, სადაც, ამჟამად საუბნო საარჩევნო კომისიების შესარჩევ კონკურსში მონაწილეობის მსურველთა განცხადებების მიღება და მაჟორიტარი კანდიდატების წარმდგენი საინციატივო ჯგუფების რეგისტრაცია მიმდინარეობს.
ამ დროისათვის წყალტუბოს 17 მაჟორიტარული ოლქიდან რეგისტრაცია გაიარა მხოლოდ ხუთმა საინციატივო ჯგუფმა (ქალაქის, გუმბრის, ქვიტირის, ოფშკვითის, საყულიის). წყალტუბოს მუნიციპალიტეტში სულ 67 საარჩევნო უბანი და 52 983 ამომრჩეველია,
საოლქო საარჩევნო კომისიის თავმჯდომარის ზოია ფანცხავას განცხადებით _ თვითმმართველობის არჩევნების დროს პასუხისმგებლობა განსაკუთრებით იზრდება, დატვირთული გრაფიკი ითვალიწინებს თითოეული მაჟორიტარი და პარტიული კანდიდატის დარეგისტრირების პროცედურებს, მისივე თქმით, ყველაფერი გაკეთდება თვითმმართველობის არჩევნების კანონის შესაბამისად, გამჭირვალედ და მაღალ დონეზე ჩასატარებლად.