ირაკლი ღარიბაშვილმა ქუთაისში განახლებული აეროპორტი გახსნა

ქუთაისში, ოლიმპიური სტანდარტის აუზის მშენებლობა დაიწყო. ადგილზე დღეს, საქართველოს პრემიერ-მინისტრი ირაკლი ღარიბაშვილი ჩავიდა და განაცხადა, რომ აღნიშნული პროექტის განხორციელება ხელისუფლებას 8 მილიონი ლარი უჯდება.

"დღეს ჩვენ დავიწყეთ ქუთაისში ახალი პროექტი-ეს არის ოლიმპიური აუზის მშენებლობა, რომელიც 8 მილიონი ლარი გვიჯდება. ქუთაისი არის ძალიან ცნობილი, ცნობილი წყალბურთელების აღზრდით და მიგვაჩნია, რომ ამ სპორტს და ამ სახეობას სჭირდება კიდევ უფრო მეტი მხარდაჭერა,"-განაცხადა პრემიერმა.

პრემიერი დღესვე ქუთაისის საერთაშორისო აეროპორტის ახალი ტერმინალის გახსნას დაესწრო.

"აეროპორტი ერთ-ერთი ყველაზე მზარდი და განვითარებადი პროექტია გახსნის დღიდან. ის თავისი შედეგებით ადასტურებს, რომ ძალიან სწრაფად ვითარდება, მგზავრთა ნაკადი არის გაორმაგებული და გაოთხმაგებული. ასევე მინდა გითხრათ, რომ დღევანდელი ახალი ტერმინალი არის 6-ჯერ უფრო დიდი, ვიდრე 2012 წელს. ეს გვაძლევს საფუძველს იმისას, რომ კიდევ უფრო მეტი მგზავრი შემოვიდეს ამ აეროპორტში,"-განაცხადა ღარიბაშვილმა.