შოთა მურღულია ქუთაისის მერობის კანდიდატია

ქუთაისის მერის მოვალეობის შემსრულებელი შოთა მურღულია ადგილობრივი თვითმმართველობის არჩვნებში მერობისთვის იბრძოლებს. მურღულიას კანდიდატურა გუშინ, კოალიცია „ქართული ოცნების“ პარტიის შეხვედრაზე განიხილეს. მმართველი პარტიის ოფისში გამართულ შეხვედრაზე, რომელსაც პრემიერ-მინისტრი ირაკლი ღარიბაშვილი და უმრავლესობის წევრები ესწრებოდნენ, გადაწყდა, რომ მურღულია ქუთაისის მერის პოსტზე „ქართული ოცნების“ კანდიდატი იქნება.

შოთა მურღულია ქუთაისის მერის მოვალეობას უკვე რამდენიმე თვეა ასრულებს. მურღულიას კანდიდატურას ოფიციალურად ორშაბათს წარადგენენ.