ქუთაისში სახლიდან ფული და ძვირფასი ნივთები მოიპარეს

ქუთაისში, ჯიბლაძის ქუჩაზე სახლი გაქურდეს. შემთხვევა სავარაუდოდ, აღდგომის ღამეს, კომენდანტის საათის დროს მოხდა.

არსებული ინფორმაციით, უცნობი პირები სახლში შევიდნენ და თანხა და ძვირფასი ნივთები მოიპარეს.

შემთხვევის დროს სახლში ოჯახის ორი წევრი იმყოფებოდა, რომლებსაც ეძინათ.

როგორც იმერეთის მთავარ საინფორმაციო სააგენტო Topnews.com.ge-ს შსს-ს პრესცენტრში განუმარტეს, მომხდარზე გამოძიება 177-ე მუხლით დაიწყო, რაც ქურდობას გულისხმობს.

მათივე თქმით, დამნაშავეთა დასაკავებლად საგამოძიებო მოქმედებები ინტენსიურ რეჟიმში მიმდინარეობს.

ავტორი: ქეთი გელაშვილი