მიდის თუ არა თანამდებობიდან ქუთაისის მერი?

ქუთაისის მერი იოსებ ხახალეიშვილი მის შესაძლო გადადგომასთან დაკავშირებით გავრცელებულ ინფორმაციას პასუხობს.

მერის თქმით, ის არსად წასვლას არ აპირებს და მას და ჟურნალისტებს კიდევ დიდხანს მოუწევთ თანამშრომლობა.

“ფეიკნიუსებზე და არაკომპეტენტურ ინფორმაციაზე დროს ნუ დახარჯავთ,”-განაცხადა იოსებ ხახალეიშვილმა.

გავრცელებული ინფორმაციით, იოსებ ხახალეიშვილმა გუნდთან მის თანამდებობიდან წასვლასთან დაკავშირებით კონსულტაციები გამართა და გუნდს იმერეთის პირველ ვიცე-გუბერნატორთან შეხვედრა სთხოვა.