Войти на сайт
Логин:
პაროლი:
რეგისტრაცია  :  დაგავიწყდა პაროლი?  :  დახურვა
Рекомендуем так же посмотреть фильмы и не забудьте о шаблоны dle на нашем ресурсе скачать аниме у нас на портале
ჩვენს შესახებ მოგვწერეთ კონტაქტი

ქუთაისის მერიის მიერ საიდუმლოდ და ფასდაკლებით გასხვისებული ქონებები

თარიღი : 2-09-2013, 09:53 | კატეგორია: სტატიები, მთავარი თემა   
topnews.com.ge
ქუთაისის მერიის მიერ 2009-2011 წლებში განხორციელებულმა ქონების პრივატიზებამ სხვადასხვა სახის უზუსტობები და რისკის შემცველი გარემოებები გამოავლინა. ამის შესახებ იმ დასკვნაშია საუბარი, რომელიც სახელმწიფო აუდიტის სამსახურმა მოამზადა. დასკვნა 2009-2011 წლებში ქუთაისის ადგილობრივი თვითმმართელობის მიერ ქონების განკარგვის პროცესში გაწეული საქმიანობის მოქმედ კანონმდებლობასთან შესაბამისობის შემოწმების შემდეგ მომზადდა.
როგორც ირკვევა, აღნიშნულ წლებში მერიამ 129 ობიექტი გაასხვისა, იჯარის წესით 88, ხოლო საბიუჯეტო დაფინანსებაზე მყოფ ობიექტებზე, წილობრივი მონაწილეობით შექმნილ საწარმოებსა და იურიდიულ პირებზე უსასყიდლოდ 47 ობიექტი გასცა.
აუდიტის სამსახურის ანგარიშის მიხედვით, მერიის მიერ ქონების გასხვისების მიზნით გამოცხადებული აუქციონის შესახებ პოტენციურად დაინტერესებული მყიდველების უმრავლესობა ინფორმირებული არ იყო. 2009-2010 წლებში საპრივატიზებო ქონების შესახებ ინფორმაცია ეკონომიკის სამინისტროში იგზავნებოდა, თუმცა დასკვნაში ნათქვამია, რომ უწყებისათვის გაგზავნილი 10 ინფორმაცია დაგვინებით, ქონების გასხვისების შესახებ ბრძანების გამოცემიდან 9-22 დღის შემდეგ არის მიწოდებული. უფრო მეტიც, აუდიტის სამსახურის დასკვნის მიხედვით, მერიას არ აქვს გამოყენებული ინფორმაციის გავრცელების უფრო ეფექტური საშუალებები: კერძოდ, ადგილობრივი პრესა და ტელევიზია.
ქუთაისის მერიის მიერ ქონების გასხვისების პროცესში აღმოჩენილი მორიგი დარღვევა გაუმჭვირვალე აუქციონებს უკავშირდება.
„მიუხედავად იმისა, რომ 2011 წლის პირველი იანვრიდან აუქციონების ჩატარება ელექტრონული ფორმით შესაძლებელია, მერიაში არ ტარდება ელექტრონული აუქციონები, რაც აუქციონის პროცესის ნაკლებად გამჭვირვალედ წარმართვას განაპირობებს. ასევე, ყველა დაინტერესებულ მხარეს სრულად არ ეძლევა საშუალება თვალი მიადევნოს აუქციონის პროცესს,“ - ნათქვამია დასკვნაში.
სახელმწიფო აუდიტის სამსახურის მიერ ჩატარებული შემოწმების შედეგად ისიც ირკვევა, რომ ხშირ შემთხვევაში ქუთაისის მერიის კუთვნილი ქონების გასხვისება ძველი ფასით ხდებოდა. აღნიშნულის მაგალითად დასკვნაში ნათქვამია, რომ ქუთაისის საკრებულომ 2009 წლის 20 იანვარს მიწის ნორმატიული ფასის შესახებ დადგენილება მიიღო, რითაც მიწის ფასი გაათმაგდა. თუმცა აღნიშნული დადგენილების ამოქმედების შემდეგ, მერიამ 28 იანვარს აუქციონი ჩაატარა, სადაც მიწა ძველი ფასით გაყიდა. სახელმწიფო აუდიტის სამსახურის დასკვნის მიხედვით, მერიას მიწა ძველი ფასით რომ არ გაეყიდა, 28 იანვარს გასხვისებულ ქონებაზე 149 200 ლარის ნაცვლად, მილიონ 200 000 ლარს მიიღებდა.


ნანახია: 3567-ჯერ

მსგავსი სიახლეები
აუდიტის სამსახურის შეფასებით, 2008-2010 წლებში ქუთაისის მერიის მიერ ქალაქის გარე განათება და საახალწლო გაფორმება დარღვევებით
ქუთაისის ადგილობრივ თვითმმართველობაში 2014 წელს ქალაქის კუთვნილი ქონების რეალიზაციის კუთხით პრობლემას ვერ ხედავენ. ქალაქის 2014
ქუთაისის მერია აუდიტის სამსახურის უფროსის ლაშა თორდიას განცხადებას პასუხობს.
დღევანდელ აუქციონზე გასხვისებული ობიექტებიდან შემული თანხა 68 600 ლარს შეადგენს.
საჯარო მოხელეთა დარღვევებზე სახელმწიფო აუდიტის სამსახურის ანგარიშშია საუბარი.
ქუთაისის მერიამ 2016 წელს 2 მილიონ 227 649 ლარის ქონება გაასხვისა. აღნიშნულის შესახებ მერიის ეკონომიკური განვითარებისა და

ამინდი