ხარაგაულის მერის პირველი მოადგილე სოფელ ზვარეს ამბულატორიაში არსებულ მდგომარეობას გაეცნო

ხარაგაულის მუნიციპალიტეტის მერის პირველი მოადგილე ვარლამ ჭიპაშვილი მაღალმთიან სოფელ ზვარის სასოფლო ამბულატორიაში არსებულ მდგომარეობას ადგილზე გაეცნო.

ამბულატორია საჭიროებს შიდა სარემონტო სამუშაოებს და შენობის კეთილმოწყობას, რათა მედპერსონალმა შესაბამის გარემოში მოახდინოს პაციენტთა მიღება.

ვარლამ ჭიპაშვილის ინფორმაციით, ადგილობრივი თვითმმართველობა დაგეგმავს ღონისძიებებს მომავალში ამ პრობლემის აღმოფხვრის მიზნით.

მუნიციპალიტეტის ხელმძღვანელი პირები სოფლებში არსებულ გამოწვევებს ადგილზე ეცნობიან.