ხაშური-ხარაგაული-ზესტაფონის სამგზავრო მატარებელი მუშაობას 27 თებერვლიდან განაახლებს

სამგზავრო მატარებელი ხაშური-ხარაგაული-ზესტაფონი მგზავრთა გადაყვანას 27 თებერვლიდან განაახლებს.

“როგორც კი საქალაქთაშორისო მიმოსვლა აღდგა და მათ შორის სარკინიგზო, ჩვენ დაუყოვნებლივ დავუკავშრდით საქართველოს რკინიგზას - რა გეგმები ქონდათ საგარეუბნო მატარებლების აღდგენასთან დაკავშირებით, რადგან ხარაგაულის მოსახლეობისთვის გადაადგილების ეს საშუალება უალტერნატივო და საციცოცხლოდ მნიშვნელოვანია.

მივიღეთ ერთობლივი გადაწყვეტილება და ხვალიდან მატარებელი ხაშური-ხარაგაული-ზესტაფონი მგზავრთა გადაყვანას ჯანდაცვის სამინისტროს რეკომენდაციების შესაბამისად განაახლებს.

მგზავრთა უსაფრთხოებისა და პანდემიის საპრევენციო ღონისძიებების გატარებას შესაბამისი მუნიციპალური სამსახურები უზრუნველყოფენ.

მშვიდობიან მგზავრობას გისურვებთ,”-აცხადებს ხარაგაულის მერი.

სამგზავრო მატარებელი შემდეგი გრაფიკით იმოძრავებს:

ხაშური-ზესტაფონი 7:20 - 9:40; 11:30 - 13:47;

ხაშური-ზესტაფონი 14:20 - 16:40; 17:25 - 19:40.