იმერეთის გუბერნატორმა თერჯოლის მუნიციპალიტეტში მიმდინარე გზის სარეაბილიტაციო სამუშაოები დაათვალიერა

იმერეთის გუბერნატორმა თერჯოლის მუნიციპალიტეტში მიმდინარე გზის სარეაბილიტაციო სამუშაოები დაათვალიერა.
თერჯოლა-ტყიბულის გზის აღნიშნული მონაკვეთი ქალაქის ცენტრალური შემოსასვლელი გზა არის და სწორედ ამიტომ განსაკუთრებით პრიორიტეტულია.

რეაბილიტირებული გზით ისარგებლებს როგორც ადგილობრივი, ასევე ტყიბულის, ონის, ამბროლაურისა და ჭიათურის მოსახლეობაც.

მხარის გუბერნატორი ადგილობრივი თვითმმართველობის წევრებთან ერთად მიმდინარე ინფრასტრუქტურული პროექტების ყოველდღიურ მონიტორინგს აწარმოებს.

მისი თქმით, მუდმივი კონტროლი შესასრულებელი სამუშაოების მაღალ ხარისხსა და ხელშეკრულებით გათვალისწინებული პირობების დროულად შესრულებას უზრუნველყოფს.

ხიდი-თერჯოლა-ტყიბულის 2-4 კმ-იან მონაკვეთს გზების დეპარტამენტი აფინანსებს. სამუშაოებს სს „ერღოკატ მაკედონია“ აწარმოებს.

მიმდინარე სამუშაოებზე 25 ადამიანია დასაქმებული, ხოლო პროექტის საერთო ღირებულება - 839 999 ლარია. აღნიშნული გზის მონაკვეთი რამდენიმე წელია, არ შეკეთებულა.