სახალხო დამცველმა რეგიონების მოსახლეობასთან შეხვედრები დაიწყო

სახალხო დამცველმა უჩა ნანუაშვილმა რეგიონების მოსახლეობასთან შეხვედრები დაიწყო. აჭარისა და სამეგრელოს მოსახლეობის შემდეგ სახალხო დამცველი ქუთაისის მოსახლეობას შეხვდა.
„რეგიონებში მოსახლეობის პრობლემატიკა განსხვავებულია. ძირითადად იკვეთება საკუთრების უფლების დარღვევის ფაქტები, დევნილთა პრობლემები. ჩვენ ვხვდებით იმ მოქალაქეებს, რომლებიც სახალხო დამცველთან მისვლას ვერ ახერხებენ და ჩვენი ოფისის დახმარებით შევეცდებით მათ გადაჭრას,“ - ამბობს ნანუაშვილი.
იმერეთის შემდეგ ომბუდსმენი კახეთის მოსახლეობასთან შეხვედრას გეგმავს.