ხონში მოყვარულ ფეხბურთელთა შორის შეჯიბრი გაიმართა

ხონის ცენრალურ სტადიონზე მოყვარულ სპორტსმენებს შორის თამაშები გაიმართა.

საქართველოს ფეხბურთის 7x7 ასოციაციის მასტერ ლიგის ხონის ჩემპიონატში 16 გუნდი მონაწილეობდა.

ფინალში ერთმანეთს “განთადი” (მათხოჯი) და “მიმინო” (კუხი) დაუპირისპირდნენ. თამაში ანგარიშით 3:2 “განთიადის” გამარჯვებით დასრულდა.

ფინალურ შეხვედრას თვალს ხონის მუნიციპალიტეტის მერი ლადო ჯურხაძე, ასოციაციის პრეზიდენტი აკაკი ხლაბუსტოვი და ასოციაციის იმერეთის რეგიონალური წარმომადგენელი დავით ჩიქვანაია ადევნებდნენ.

პირველ და მეორე ადგილზე გასულ გუნდებს თასები და სპეციალური საჩუქრები გადაეცათ.

საფეხბურთო თამაშები ადგილობრივი ხელისუფლების მხარდაჭერით გაიმართა.