‘არ ვართ ბევრნი და თქვენც თუ არ გაგვიფრთხილდებით, ძალიან ცუდ მდგომარეობაში ჩავვარდებით ყველანი,’-ხონელი ექიმის მიმართვა საზოგადოებას

ხონელი ექიმი ნანა ეფრემიძე საზოგადოებას მიმართავს.

ექიმი მოქალაქეებს სთხოვს, არ დამალონ კორონავირუსის სიმპტომები და ტემპერატურის შემთხვევაში, მიმართონ ექიმს,

“უმორჩილესად გთხოვთ! ნუ დამალავთ სიმპტომებს- ტემპერატურას! თქვენთვის არაფერი იცვლება! უბრალოდ ჩვენ, სასწრაფო სამედიცინო დახმარების თანამშრომელები მაქსიმალურად დავიცავთ თავს, რადგან სამედიცინო პერსონალის დეფიციტი არ შეიქმნას რაიონში. არ ვართ ბევრნი და თქვენც თუ არ გაგვიფრთხილდებით, ძალიან ცუდ მდგომარეობაში ჩავვარდებით ყველანი.

ვისაც არ ჯერა, არ ჯეროდეს. უბრალოდ გთხოვთ: სწორი და ამომწურავი ინფორმაცია მივაწოდოთ 112-ის ოპერატორებს როცა კითხვებს სვამენ. ჩვენ ვართ უზრუნველყოფილი ყველანაირი აღჭურვილობით და დაგვეხმარეთ, რომ მიზანმიმართულად გამოვიყენოთ ზემოთ აღნიშნული,”-წერს ექიმი.