ქუთაისის 32-ე საჯარო სკოლის 21 თანამშრომელს კორონავირუსი დაუდასტურდა

ქუთაისის 32-ე საჯარო სკოლის 21 თანაშრომელს, მათ შორის დირექტორს და მოადგილეს კორონავირუსი დაუდასტურდა.

სკოლის დირექტორის მოადგილის ნათია ხაზარაძის თქმით, თანამშრომლების ნაწილი ამ დროისთვის სკოლაში იმყოფება და ადგილზე სასწრაფო დახმარების ჯგუფებს ელოდებიან.

დირექტორის მოადგილე იმასაც ამბობს, რომ ამ დროისთვის სიმპტომი არავის აქვს.

32-ე საჯარო სკოლის თანამშრომლების დაინფიცირება ამავე სკოლის საქმეთა მმართველს უკავშირდება, რომელიც თბილისში, ქორწილში იმყოფებოდა.