მაია მიმინოშვილი იმერეთში მოღვაწე პედაგოგებს შეხვდა

შეფასებისა და გამოცდების ეროვნული ცენტრის წარმომადგენლები რეგიონებში საინფორმაციო შეხვედრებს მართავენ.
იმერეთში მოღვაწე პედაგოგებს აღნიშნული ცენტრის ხელმძღვანელმა მაია მიმინოშვილმა საერთშორისო საგანმანათლებლო კვლევებთან დაკავშირებითაც ესაუბრა.
მიმინოშვილის განმარტებით, უახლოეს მომავალში, მათემატიკაში, საბუნებისმეტყველო საგნებსა და წიგნიერების დონეზე საქართველოში კვლევა ჩატარდება.

„საქართველოში ჩატარდება საერთაშორი კვლევა, რომელიც ჩვენი ქვეყნის გარდა კიდევ 66 ქვეყანაში ტარდება. კვლევებში მონაწილეობას მიიღებენ, როგორც მოსწავლეები ასევე მასწავლებლები, რაც ემსახურება გაგებას იმისას, თუ რამდენად მაღალია განათლების დონე საქართველოში. აღნიშნულ კვლევებში ჩვენი ქვეყანა გასულ წლებშიც მონაწილოებდა, თუმცა მაშინდელმა მინისტრმა ერთპიროვნული გადაწყვეტილებით ბოიკოტი გამოუცხადა საერთშორისო კვლევებს, რადგან ჩვენ სხვა ქვეყნებთან შედარებით ძალიან დაბალი შეფასებები მივიღეთ მაშინ. . მე ვფიქრობ, რომ კვლევებში მონაწილეობა საჭიროა, რადგან მასზე დაყრდნობით უნდა შევძლოთ ეტაპობრივად განათლების დონის ამაღლება,“– აცხადებს მიმინოშვილი.