"ნაციონალების"პერფომანსი ქუთაისში - ბოტასები დასავლეთ საქართველოს პროკურატურასთან

ქუთაისის "ნაციონალური მოძრაობის" ახალგაზრდულმა ფრთამ, დასავლეთ საქართველოს საოლქო პროკურატურასთან აქცია-პერომანსი გამართა.
ახალგაზრდებმა პროკურატურის შესასვლელთან ბოტასის წყვილი მიიტანეს და განაცხადეს, რომ გიორგი ბადაშვილი მარიონეტი მთავარი პროკურორია და მას ყოფილი მთავარი პროკურორი ოთარ ფირცხალაძე მართავს.
ახალგაზრდებმა საპარლამენტო უმცირესობის წევრის აკაკი ბობოხიძის ძმის ლევან ბობოხიძის დაკავებაც გააპროტესტეს და განაცხადეს, რომ მისი დაკავება პოლიტიკური ნიშნით მოხდა.
"პროკურატურაში დღემდე გადაწყვეტილებას ოთარ ფარცხალაძე იღებს, რომელიც ბოტასების ქურდობისთვის არის ნასამართლევი სწორედ ამიტომ "ნაციონალური მოძრაობის" ახალგაზრდულმა ფრთამ ფარცხალაძეს ბოტასების აქცია-პერფომანსი მოვუწყვეთ. ჩვენ ასევე ვგმობთ ხონის "ნაციონალური მოძრაობის" ორგანიზაციის თავმჯდოამრის ლევან ბობოხიძის დაკავებას და მიგვაჩნია, რომ მისი დაკავება პოლიტიკური ნიშნით მოხდა,"- აცხადებს თეონა ციხელაშვილი.