Войти на сайт
Логин:
პაროლი:
რეგისტრაცია  :  დაგავიწყდა პაროლი?  :  დახურვა
Рекомендуем так же посмотреть фильмы и не забудьте о шаблоны dle на нашем ресурсе скачать аниме у нас на портале
ჩვენს შესახებ მოგვწერეთ კონტაქტი

აუდიტის სამსახურმა ქუთაისის მერიას ფინანსური დარღვევები აღმოუჩინა

თარიღი : 30-08-2013, 17:50 | კატეგორია: სტატიები, მთავარი თემა   
topnews.com.ge
აუდიტის სამსახურის შეფასებით, 2008-2010 წლებში ქუთაისის მერიის მიერ ქალაქის გარე განათება და საახალწლო გაფორმება დარღვევებით ხდებოდა. კერძოდ, სამსახურის ანგარიშში ნათქვამია, რომ აღნიშნულ წლებში გარე განათებისა და საახალწლო მორთულობის ხარჯები დასაბუთებული არ იყო.
აუდიტის სამსაურის მიერ მომზადებული დასკვნის მიხედვით, 2008-2010 წლებში ქალაქის მერიის მიერ არ იყო დაცული „თვითმმართველობის ბიუჯეტის შესახებ“ საქართველოს კანონისა და საბიუჯეტო კოდექსის მოთხოვნები. კერძოდ, „აუდიტის პერიოდში ვერ იქნა წარმოდგენილი მონაცემები თვეში გარე განათების ერთ ნათურაზე მომსახურების სავარაუდო ფასების განსაზღვრის შესახებ. აღნიშნულის შედეგად, 2008 წელს გარე განათების ექსპლუატაციის მომსახურებაზე გამოცხადებულ ტენდერში გამარჯვებულ ინდმეწარმე „პეტრე გადელიასთან“ დადებული ხელშეკრულების მიხედვით, ერთ ნათურაზე მომსახურების სახელშეკრულებო ფასმა და ფაქტობრივმა ანაზღაურებამ 8 ლარი შეადგინა, მაშინ, როდესაც 2010 წელს ანალოგიურ მომსახურებაზე ტენდერში გამარჯვებულ შპს „შაგუ+“-სთან ხელშეკრულება 3.16 ლარზეა გაფორმებული. ასევე, სათანადოდ დასაბუთებული გაანგარიშებების გარეშე იყო განსაზღვრული საახალწლო ქალაქგაფორმების ღონისძიებებისათვის შესასრულებელი სამუშაოების მოცულობები და შესაბამისი ფინანსური მაჩვენებლები,“ - ნათქვამია აუდიტის დასკვნაში.
გარდა ამისა, აუდიტის სამსახურის დასკვნაში იმაზეც არის საუბარი, რომ 2008 წელს გარე განათების კაპიტალური შეკეთების სამუშაოების განხორციელებისა და საახალწლო ღონისძიებების შესყიდვის მიზნით ხელშეკრულებები იმაზე დიდ თანხაზე დაიდო, ვიდრე ბიუჯეტით იყო გათვალისწინებული.
ანგარიშის მიხედვით, 2008 წელს საახალწლო აქსესუარების შესყიდვები კაპიტალური ხარჯების მუხლის ნაცვლად სუბსიდიური დაფინანსებით მოხდა, ხოლო ანალოგიური შესყიდვა 2010 წელს არაფინანსური აქტივების ზრდის მუხლის ნაცვლად, სხვა საქონელი და მომსახურების მუხლით გათვალისწინებული თანხებიდან მოხდა.
აუდიტის სამსახურის ანგარიშის მიხედვით, შპს „ინჟმშენი-96“-ისათვის ქალაქის მერიის მიერ ზედმეტადაა გადარიცხული 1 200 ლარი, რაც მერიის ბიუჯეტში უნდა დაბრუნდეს.
„ასევე დადგინდა, რომ საერთოდ არ არის დემონტირებული მასალები უკან დაბრუნებული და მათზე არც მიღება-ჩაბარების აქტებია გაფორმებული. არის ფაქტები, როდესაც შესრულებული სამუშაოების აქტებში არ არის დაფიქსირებული პროექტებით გათვალისწინებული შესასრულებელი სამუშაოების მოცულობების შესაბამისი რაოდენობები. ამასთან, შესრულებული სამუშაოების აქტებში ერთგვაროვან მასალებზე სხვადასხვა ფასებია დაფიქსირებული,“ - ნათქვამია ანგარიშში.
აუდიტის სამსახურის მიერ ჩატარებული შემოწმებიდან ირკვევა, რომ 2008-2009 წლებში ქუთაისში, გარე განათების კაპიტალურ შეკეთებაზე შესრულებული სამუშაოები, ექსპლუატაციაში გადაცემული ობიექტები, ასევე, შესყიდული საახალწლო აქსესუარები საერთო ღირებულებით 944 800 ლარი მერიის ბალანსზე ბუღალტრულად აღრიცხული არ არის. ხოლო გარე განათების ობიექტებზე არ არის მითითებული არც ვარგისიანობა და არც ჯართის მიზნით გამოყენება. გარდა ამისა, ანგარიშის მხიედვით, 2009 წელს გარე განათების ექპლუატაციაზე ფაქტობრივად გაწეულ მომსახურების ღირებულებასა და ამ მომსახურებაზე ანაზღაურებულ ღირებულებას შორის არსებული 4 100 ლარიანი სხვაობა არც ბუღალტრულად და არც კრედიტორულ დავალიანებაშია აღრიცხული.
მაკონტროლებელ უწყებაში მიიჩნევენ, რომ მერიის საფინანსო სამსახურმა ბიუჯეტის წლიური ანგარიშის შედგენისას მასში გადასახდელების სწორად და სრულად ასახვა უნდა უზრუნველყოს.


ნანახია: 2725-ჯერ

მსგავსი სიახლეები
აუდიტის სამსახურის ანგარიშის მიხედვით, მერიის მიერ ქონების გასხვისების მიზნით გამოცხადებული აუქციონის შესახებ პოტენციურად
საჯარო მოხელეთა დარღვევებზე სახელმწიფო აუდიტის სამსახურის ანგარიშშია საუბარი.
ქუთაისის მერია აუდიტის სამსახურის უფროსის ლაშა თორდიას განცხადებას პასუხობს.
აუდიტის სამსახურის დასკვნაში აღნიშნულია, რომ ასათიანის ქუჩაზე სამუშაოები შესრულებულია უხარისხოდ.
ქუთაისის მერიის არქიტექტურის სამსახურმა 2016 წლის განმავლობაში გაწეული საქმიანობის შესახებ ანგარიში წარმოადგინა.

ამინდი