აკაკი ბობოხიძე: ხელისუფლებას ვაფრთხილებ, რომ პასუხს აუცილებლად აგებს

საპარლამენტო უმცირესობის წევრის აკაკი ბობოხიძის განცხადებით, ხელისუფლება მისი ძმის დაკავებისათვის პასუხს აუცილებლად აგებს.
ბობოხიძე სამართალდამცავებმა ხონში, ქუჩაში აიყვანეს.
„ჩემთვის უცნობია რას ედავებიან ჩემს ძმას, თუმცა ხელისუფლება იმ კურსს აგრძელებს, რომელიც ორი თვის წინ, ხონის გამგებლის ზურაბ ჯიბუხაისა და მისი მოადგილის ბესარიონ ჭელიძის დაკავებით დაიწყო.ეს ყველაფერი წინასაარჩევნო პერიოდს უკავშირდება და ხელისუფლებას ვაფრთხილებ, რომ ამ საქმეებისათვის აუცილებლად აგებს პასუხს,“ - აცხადებს ბობოხიძე.
საპარლამენტო უმცირესობის წევრის გია თევდორაძის განცხადებით, მას აქვს ინფორმაცია, რომ პოლიცილების ჯგუფი ხონის სოფელ გორდში, ბობოხიძეების სახლის გასაჩხრეკად მიდის.