Войти на сайт
Логин:
პაროლი:
რეგისტრაცია  :  დაგავიწყდა პაროლი?  :  დახურვა
Рекомендуем так же посмотреть фильмы и не забудьте о шаблоны dle на нашем ресурсе скачать аниме у нас на портале
ჩვენს შესახებ მოგვწერეთ კონტაქტი

ვის გაეზრდება პენსია პირველი ივლისიდან?

თარიღი : 11-06-2020, 16:15 | კატეგორია: ახალი ამბები, მთავარი თემა   
topnews.com.ge
70 წელს ზემოთ პენსიონერებს, 1-ელი ივლისიდან დამატებით გაეზრდებათ პენსია 30 ლარით და მათი პენსია მიაღწევს 250 ლარს, - ამის შესახებ პრემიერ-მინისტრმა, გიორგი გახარიამ მთავრობის დღევანდელ სხდომაზე განაცხადა.

მისი თქმით, მაღალმთიან სოფლად მცხოვრები პენსიონერები კიდევ უფრო მეტ პენსიას მიიღებენ და მათი საპენსიო სარგებელი 300 ლარი იქნება.

„მინდა შევეხო 2020 წლის ანტიკრიზისულ ბიუჯეტს, რომელზეც ფინანსთა სამინისტრომ, ყველა ეკონომიკურმა უწყებამ სისტემურად იმუშავეს. ეს არის მართლაც სერიოზული ნაშრომი, რომელშიც გადაზღვეულია როგორც ქვეყანაში შესაძლო ინფიცირების მეორე ტალღა, ასევე ყველა ის სოციალური რისკი, რომელიც წლის ბოლომდე შეიძლება, შეგვხვდეს. ამიტომ, კიდევ ერთხელ მინდა, მადლობა გადავუხადო ფინანსთა სამინისტროს. ხაზგასმით მინდა აღვნიშნო, რომ ჩვენ ამ ბიუჯეტის პარამეტრებით შევინარჩუნეთ პენსიების ზრდის ის გეგმა, რომელიც წლის დასაწყისიდან გამოცხადებული გვქონდა.

რა თქმა უნდა, წლის დასაწყისში ქვეყნის ეკონომიკური პარამეტრი აბსოლუტურად სხვა იყო. ამ შენარჩუნებული მექანიზმებით, 70 წელს ზემოთ ჩვენს პენსიონერებს, 1-ელი ივლისიდან დამატებით გაეზრდებათ პენსია 30 ლარით და მათი პენსია მიაღწევს 250 ლარს. გარდა ამისა, მაღალმთიან სოფლად მცხოვრები ჩვენი პენსიონერები კიდევ უფრო მეტ პენსიას მიიღებენ და მათი საპენსიო სარგებელი იქნება 300 ლარი.

გარდა ამისა, რაც კრიტიკულად მნიშვნელოვანია, ჩვენ წელს მოვახერხეთ და ჩავდეთ დაზღვევის ის მექანიზმები, რომლებიც გარანტირებულებად ჩვენს პენსიონერებს აძლევს შესაძლებლობას, რომ პენსია გაიზარდოს. ეს ზრდა დაკავშირებული იქნება როგორც ინფლაციასთან, ასევე 70 წელს ზევით პენსიონერებისთვის ეკონომიკური ზრდის 80%-ის მაჩვენებელთან. კიდევ უფრო მნიშვნელოვანია ის, რომ დაფიქსირებულია ქვედა ჩამკეტები, ნებისმიერი ეკონომიკრი ზრდის ან ინფლაციის პირობებშიც, თითოეული ჩვენი 70 წლამდე პენსიონერი გარანტირებულად მიიღებს 20 ლარს ყოველწლიურად, ხოლო 70 წელს ზემოთ 25 ლარს. ეს არის ის მუნიმუმი, რომელიც ქვეყანას შეუძლია პენსიონერებს შესთავაზოს. გვესმის, რომ ეს საკმარისი არ არის და ყველამ უფრო მეტი უნდა ვიმუშაოთ იმისთვის, რომ ყოველწლიურად კიდევ უფრო გავაუმჯობესოთ ჩვენი პენსიონერების მდგომარეობა“,-განაცხადა გახარიამ.


ნანახია: 415-ჯერ

მსგავსი სიახლეები
1 ივლისიდან საქართველოში პენსია 20 ლარით – 180 ლარამდე გაიზარდა.
ხელისუფლების ცვლილების შემდეგ პენსია ჯამში 50 ლარით გაიზარდა, თუმცა გარდა პენსიისა, მთავრობამ სხვა ბევრი სოციალური პროექტი
ამის შესახებ ფინანსთა მინისტრი ნოდარ ხადური აცხადებს.
პენსიის ზრდა ყველა პენსიონერს შეეხება.

ამინდი