სოფლები ხარაგაულში, სადაც ახალი გზები ეწყობა

ხარაგაულის მუნიციპალიტეტის სოფელ ბაბში ცენტრალური გზის რეაბილიტაცია მიმდინარეობს.

ბეტონის საფარი სასოფლო გზის 600 მეტრიან მონაკვეთზე მოეწყობა.

პროექტის ღირებულება 162 927 ლარია, სამუშაოებს რეგიონული განვითარების ფონდის დაფინანსებით შპს "ბორი-85" ასრულებს.

სოფელ ღუდუმექეთში კი პროექტ “გზა ყველა სოფელს” ფარგლებში, ცენტრალური გზის (900მ) რეაბილიტაციის მეორე ეტაპი მიმდინარეობს.

პირველ ეტაპზე, ღუდუმექეთში, სასოფლო გზის 1კმ-მდე მონაკვეთი კეთილმოეწყო.

ხარაგაულის მუნიციპალიტეტში 2020 წელს რეგიონული განვითარების ფონდიდან 19 სოფლის გზის რეაბილიტაციაა დაფინანსებული.