ლეჩხუმში ‘ხვამლობა’ მოკრძალებულად აღინიშნება

პანდემიის პირობებში, ლეჩხუმში “ხვამლობის" დღესასწაულს მოკრძალებულად აღნიშნავენ.

დღესასწაულზე ხვამლის მთას ტურისტები თუ მომლოცველები საქართველოს სხვადასხვა კუთხიდან სტუმრობენ. საქართველოს სხვადასხვა კუთხიდან ჩამოსული მრევლი ხვამლის წმინდა გიორგის სახელობის ტაძარში, 2200 მეტრის სიმაღლეზე მოსალოცად იკრიბება.

“ლეჩხუმი ყოველთვის იქნება ყველასთვის საინტერესო მხარე, გამორჩეული ბუნებით, კულტურით, ისტორიითა და რაც მთავარია აქ მცხოვრები სტუმართმოყვარე და ნიჭიერი ადამიანებიᲗ.

ხვამლის მთა ლეჩხუმის სავიზიტო ბარათია, სიმბოლური და იდუმალია რაც კი მას უკავშირდება.

ხვამლის წმინდა გიორგი ფარავდეს ლეჩხუმს და სრულიად საქართველოს,”-აცხადებს სახელმწიფო რწმუნებული რაჭა-ლეჩხუმისა და ქვემო სვანეთის მხარეში არჩილ ჯაფარიძე.