ზესტაფონის ცენტრალური ქუჩების სადეზინფექციო ხსნარებით დამუშავების პროცესი გრძელდება

კორონავირუსის საპრევენციო ღონისძიებების ფარგლებში, ზესტაფონის ცენტრალურ ქუჩებს სადეზინფექციო სამუშაოები ჩაუტარდა.

ქუჩების სადეზინფექციო ხსნარებით მორეცხვა კომპანია" ჯორჯიან მანგანეზის" და ზესტაფონის დასუფთავების სამსახურის მიერ, სპეციალური ტექნიკის საშუალებით განხორციელდა.

სადეზინფექციო სამუშაოების პროცესს ზესტაფონის საკრებულოს თავმჯდომარე, ვახტანგ ღამბაშიძე, მაჟორიტარი დეპუტატი შალვა კიკნაველიძე, დასუფთავებისა და კეთილმოწყობის სამსახურის უფროსი ოლეგ შველიძე ადგილობრივი თვითმმართველობის წარმომადგენლებთან ერთად ადევნებდნენ თვალყურს.

კომპანია “ჯორჯიან მანგანეზი" და მუნიციპალიტეტის კეთილმოწყობისა და დასუფთავების სამსახური პანდემიის საპრევენციო ღონისძიებების ფარგლებში, ცენტრალური ქუჩების სადეზინფექციო სამუშაოებს აქტიურად ახორციელებენ.