ქუთაისელმა ბექა ლომთაძემ ევროპის ჩემპიონატზე კარიერაში მეოთხე ვერცხლის მედალი მოიპოვა

საქართველოს თავისუფალი სტილით ნაკრები თბილისში დღეს 17:10 საათზე სტამბოლის რეისით ჩამოფრინდება. ჩვენმა ნაკრებმა რომის ევროპის ჩემპიონატზე გამოსვლა 1 ოქროს, 1 ვერცხლის, 2 ბრინჯაოს მედლით და გუნდური მესამე ადგილით დაასრულა.

ევროპირველობა ტრიუმფით დაასრულა გენო პეტრიაშვილმა, ვერცხლს ბექა ლომთაძე დასჯერდა, ბრინჯაოს მედლები კი ელიზბარ ოდიკაძეს და ავთო კენჭაძეს ერგოთ.

გუნდური მესამე ადგილისათვის განკუთვნილი სპეციალური პრიზი, ნაკრების მთავარმა მწვრთნელმა გიორგი იანტბელიძემ ჩაიბარა.

ევროპის ჩემპიონატი რომში ქართული ჰიმნით დაიხურა.