გელათის მონასტერთან მისასვლელი გზის მოწყობის დასრულება გაზაფხულზე იგეგმება

გელათის მონასტერთან მისასვლელი გზისა და საყრდენი კედლის რეაბილიტაცია მიმდინარეობს.

სამუშაოები 2019 წლის სექტემბერში დაიწყო და 2020 წლის გაზაფხულზე დასრულდება.

პროექტს მუნიციპალური განვითარების ფონდი მსოფლიო ბანკის ფინანსური მხარდაჭერით ახორციელებს, რომლის ღირებულება 1.6 მილიონი ლარია.

პროექტის მიზანს კულტურული მემკვიდრეობის ძეგლების შენარჩუნებაში წვლილის შეტანა და საქართველოში ტურისტული ინფრასტრუქტურის განვითარებისათვის ხელის შეწყობა წარმოადგენს.