ქუთაისში მცხოვრები სოციალურად დაუცველი ქალაქის მერიისგან შეშით დახმარებას ითხოვს

ქუთაისში მცხოვრები სოციალურად დაუცველი შეზღუდული შესაძლებლობის მქონე, მარტოხელა ქალბატონი ციალა ფალავანდიშვილი ქუთაისის მერის მოვალეობის შემსრულებელს შოთა მურღულიას დახმარებას სთხოვს.
ქალბატონი, რომელიც Topnews.com.ge-ს დაუკავშირდა, ამბობს, რომ წლებია შეშის ღუმელზე თბება და საკვებსაც აღნიშნულ ღუმელზე ამზადებს, რადგან მოხმარებული ბუნებრივი აირის ღირებულების დაფარვის შესაძლებლობა არ აქვს.
,,ბატონო შოთა , წლებია ვთბები შეშის ფეჩზე და საკვებსაც ვამზადებ ფეჩზე,რადგან არ მაქვს საშუალება გადვიხადო მოხმარებული გაზის საფასური.რამდენიმე დღეა შეშა გამომელია. გთხოვთ მომეხმაროთ,“- ამბობს ციალა ფალავანდიშვილი.
შეზღუდული შესაძლებლობის მქონე ქალბატონი წლებია მარტო ცხოვრობს. ფალავანდიშვილს ნათესავი სტუდენტი გოგონა უვლის,რომელიც დროებით მარტოხელა ქალბატონთან ცხოვრობს.
Topnews.com.ge აღნიშნული ქალბატონის თხოვნაზე ქალაქის მერიის რეაგირებას ელოდება.