"ქუთაისში ხშირად არის ქარი და ამოვარდნილ ნიავს მიჰყვება ქალაქის მერი"

ქუთაისში მერების ხშირ ცვლილებას და ქალაქში არასტაბილურ პოლიტიკურ ვითარებას აფასებს მწერალი რეზო ჭეიშვილი.
მწერალი და დრამატურგი ქალაქის მერის ხშირ შეცვლას იუმორით უდგება და ამბობს, რომ ქუთაისში არასტაბილური პოლიტიკური ვითარება ქალაქში ხშირად ამოვარდნილი ქარის შედეგია.
„ქუთაისში ხშირად არის ქარი და ამოვარდნილ ნიავს მიჰყვება ქალაქის მერი. როცა ქუთაისის მთავრობაში მდგომარეობა აირევა, მაშინვე ათავისუფლებენ თანამდებობიდან ქალაქის მერს. მე ეს ნამდვილად არ მომწონს. რაც შეეხება მერის მოვალეობის შემსრულებელ შოთა მურღულიას, ჩემი აზრით, კარგი პიროვნებაა და დიდი იმედი მაქვს, რომ ქალაქისთვის ბევრ სასიკეთო საქმეს გააკეთებს."- აცხადებს რეზო ჭეიშვილი.