"ღია თვითმმართველობის" პირველი სემინარი

სამეცნიერო ინტელექტუალურმა კლუბმა „თაობათა დიალოგმა“ პროგრამის „ღია თვითმმართველობის“ ფარგლებში პირველი შეხვედრა თემაზე „საქართველოს კონსტიტუცია“ გამართა.
სემინარს „საერთაშორისო გამჭირვალობა საქართველოს“ იურისტი თეონა ზაქარაშვილი უძღვებოდა.

როგორც ორგანიზაციის წარმომადგენელმა, თიესა მორჩაძემ აღნიშნა, პროგრამის მიზანია ახალგაზრდებში ლიდერული უნარ–ჩვევების განვითარება, თვითმმართველობის პრინციპებისა და მუშაობის გაცნობა, გადაწყვეტილების მიღების პროცესში ჩართვა, ქალაქის განვითარება და ახალგაზრდული პრობლემების გადაწყვეტის გზების ძიება.

პროექტში, რომელის 7 მარტს დაიწყო და 2015 წლის თებერვალში დასრულდება, 15 ახალგაზრდა მონაწილეობს. პროექტს „თაობათა დიალოგი“ ქუთაისის მერიის სპორტისა და ახალგაზრდობის საქმეთა სამსახურის მხარდაჭერით ახორციელებს.