ქუთაისში მიუსაფარი ადამიანებისათვის მოწყობილი კარვები მარტის ბოლოს გაუქმდება

ქუთაისში მიუსაფარი ადამიანებისათვის მოწყობილი კარვები მარტის ბოლოს გაუქმდება.
როგორც topnews.com.ge-ს ქალაქის მერიის საბინაო მართვისა და კომუნალური მეურნეობის სამსახურის უფროსმა კახა დალაქიშვილმა განუცხადა, როგორც კი სტაბილურად დათბება კარვები აღარ იფუნქციონირებს.
„ სავარაუდოდ მარტის ბოლოს დავშლით კარვებს. შესაძლებელია ამ ადამიანების დასახმარებლად რაიმე ერთიანი სისტემა ამოქმედდეს მთავრობის მხრიდან. ამ ეტაპზე კარავში 5 მიუსაფარია,“– აცხადებს დალაქიშვილი.
შეგახსენებთ, რომ ქუთაისში მიუსაფარი ადამიანებისთვის კარვები გასული წლის 15 დეკემბერს დაიდგა.