Войти на сайт
Логин:
პაროლი:
რეგისტრაცია  :  დაგავიწყდა პაროლი?  :  დახურვა
Рекомендуем так же посмотреть фильмы и не забудьте о шаблоны dle на нашем ресурсе скачать аниме у нас на портале
ჩვენს შესახებ მოგვწერეთ კონტაქტი

პირველად რეგიონებში, ქუთაისში ახალი ტურისტული ბაზრების ათვისებაზე ტრენინგი ჩატარდება

თარიღი : 3-12-2019, 12:38 | კატეგორია: ახალი ამბები, ანონსი   
topnews.com.ge
იმერეთის დანიშნულების ადგილის მართვის ორგანიზაციის ორგანიზებით, პირველად საქართველოს რეგიონებში, ქუთაისში 4 დეკემბერს რეგიონის ტურისტული კომპანიების და მუნიციპალიტეტების ტურიზმის სამსახურების თანამშრომლებისათვის ჩატარდება ტრენინგი თემაზე-„ტურიზმის მარკეტინგი-ახალი ბაზრების ათვისება“.

ტრენინგი აღნიშნულ თემაზე ტრენინგის ჩატარებას უზრუნველყოფს საქართველოში ტურიზმის და მასპინძლობის მიმართულებით წამყვანი ტრენინგ ცენტრი CRDC, რომლის ტრენერი ვიკა შარია მონაწილეებს გაუზიარებს საკუთარ გამოცდილებას და საჭირო ტექნიკებს ახალი ტურისტული ბაზრების ასათვისებლად, რათა მათ გრძელვადიან პერსპექტივაში შეძლონ ახალ ბაზრებზე წილის გაზრდა, ბაზრის დივერსიფიცირება და მომგებიანობის ამაღლება, რაც საბოლოოდ აისახება ქვეყანასა და იმერეთის რეგიონში ტურისტების რაოდენობის ზრდაზე, ასევე ტურისტების მიერ ქვეყანაში დახარჯული თანხების აკუმულირების ზრდაზე.

„მოგეხსენებათ, მიმდინარე წელს ტურიზმის სექტორი განსაკუთრებული გამოწვევების წინაშე დადგა, შესაბამისად გადავწყვიტეთ, ყველაზე ეფექტიანი გზით-ცოდნისა და გამოცდილების გაზიარებით დავხმარებოდით რეგიონის მასპინძლობის ინდუსტრიის თანამშრომლებს და ტრენინგ ცენტრ CRDC-სთან ერთად, დავგეგმეთ ტრენინგი, რომლის დადებით შედეგებს თითოეული კომპანია და მუნიციპალიტეტი მალევე იგრძნობს საკუთარ საქმიანობაში,“-განაცხადა იმერეთის დანიშნულების ადგილის მართვის ორგანიზაციის დირექტორმა ტატო ლილუაშვილმა.

„აღსანიშნავია, რომ ეს არის პირველი შემთხვევა, როდესაც ტრენინგი ახალი ტურისტული ბაზრების მოძიებაზე საქართველოს რეგიონებში პირველად ჩატარდება, იმერეთი კი ამ მხრივ მოწინავეა. ჩვენი ტრენერის მხრიდან მონაწილეები მიიღებენ ფასდაუდებელ ცოდნას და გაიზიარებენ გამოცდილებას, რომელიც მათ პრაქტიკაში დაეხმარებათ გავიდნენ და ეფექტურად აითვისონ ახალი ტურისტული ბაზრები. მისასალმებელია იმერეთის დანიშნულების მართვის ორგანიზაციის ინიციატივა, რითაც ისინი სრულიად უსასყიდლოდ მხარს უჭერენ ადამიანური რესურსების გადამზადებას, ჩვენი გუნდი კი მზადაა მხარი დაუჭიროს აღნიშნულ ინიციატივას,“-ამბობს ტრენინგ ცენტრ CRDC-ის გენერალური დირექტორი პეტრე ადამაძე.

ტრენინგის ფარგლებში ასევე განხილული იქნება ისეთი თემები, როგორებიცაა: წარმატებული სააგენტოს მუშაობის მთავარი პრინციპები, სწორად გაწერილი მარკეტინგული სტრატეგია – რას ვყიდით, რატომ ვყიდით, რამდენად ვყიდით - იმერეთის რეგიონის და საქართველოს მიზნობრივი ბაზრები, რეგიონის სპეციფიკა და ე.წ. USP-ის გამოყენება, დამატებითი გაყიდვების არხები – საიმიჯო ღონისძიებები; საერთაშორისო და ადგილობრივი გამოფენები, B2B, B2C შეხვედრები, საინფორმაციო (პრომო) ტურები, რეგიონალური და საერთაშორისო წარმომადგენლობები (Sales Office Representatives).

ტრენინგის დასრულების შემდგომ თითოეული მონაწილე დაჯილდოვდება ტრენინგ ცენტრ CRDC-ის ორენოვატი სერტიფიკატით.


ნანახია: 689-ჯერ

მსგავსი სიახლეები
ტრენინგის თემას ქვეყნის კანონმდებლობაში ბოლო დროს მომხდარი და დაგეგმილი ცვლილებები წარმოადგენდა.
ტრენინგ-სემინარი იმერეთის მუნიციპალიტეტების ერთობლივი ინიციატივაა და ის ევრაზიის ფონდის მიერ ფინანსდება.

ამინდი