როგორ აღინიშნება ქუთაისში დამსახურებული მწვრთნელის 100 წლის იუბილე

16 ნოემბერს ქუთაისში სსრკ დამსახურებული მწვრთნელის, საქართველოს ფიზკულტურისა და სპორტის დამსახურებული მოღვაწის, საუკუნის მწვრთნელის სულიკო თორთლაძის 100 წლის იუბილე აღინიშნება. ღონისძიებების ორგანიზატორი ქუთაისის მერია და ა(ა)იპ სპორტულ დაწესებულებათა გაერთიანებაა.

იმერეთის მთავარი საინფორმაციო სააგენტო Topnews.com.ge გთავაზობთ ღონისძიებების პროგრამას:
1. 13:30 საათი-სულიკო თორთლაძის 100 წლის იუბილისადმი მიძღვნილი ამხანაგური შეხვედრა კალათბურთში და გამარჯვებულების დაჯილდოება. მის: ქუთაისის მიხეილ ქორქიასა და ზურაბ საკანდელიძის სახელობის სპორტის სასახლელე; ახალგაზრდობის გამზ N96

2. 14:00 საათი- ბარელიეფის გახსნა. მის: ქუთაისი, ნოდარ დუმბაძის ქუჩა N4
3. 14:30 საათი- სასაფლაოს შემკობა გვირგვინით. მის. მწვანეყვავილას პანთეონი
4. 15:30 საათი- სამი ოთარის ძეგლის შემკობა ყვავილებით
5. 16:00 ზურაბ ჯავახაძის წიგნის პრეზენტაცია, სასტუმრო კომპლექსი „ბაგრატი 1003“. მის: წერეთლის ქუჩა, მე-2 ჩიხი N2ა
6. 16:30 -საიუბილეო საღამო -სასტუმრო კომპლექსი „ბაგრატი 1003“-ის საკონფერენციო დარბაზი.

სულიკო თორთლაძე დაიბადა ქუთაისში. თამაშობდა ქუთაისის "დინამოსა" (1938-40, 44) და თბილისის "დინამოში" (1945-52). სსრკ ჩემპიონი (1950), მეორე (1947) და მესამე (1948) პრიზიორი, სსრკ თასის მფლობელი (1949). ბავშვთა კალათბურთის ერთ-ერთი საუკეთესო სპეციალისტი. მისი აღზრდილები არიან: ზურაბ საკანდელიძე, მიხეილ ქორქია, ნიკოლოზ დერიუგინი, ზურაბ გრძელიძე და გელა დარსაძე.