Войти на сайт
Логин:
პაროლი:
რეგისტრაცია  :  დაგავიწყდა პაროლი?  :  დახურვა
Рекомендуем так же посмотреть фильмы и не забудьте о шаблоны dle на нашем ресурсе скачать аниме у нас на портале
ჩვენს შესახებ მოგვწერეთ კონტაქტი

რას ჰპირდება ჯანდაცვის მინისტრი იმერეთის რეგიონში მცხოვრებ დევნილებს

თარიღი : 14-11-2019, 15:54 | კატეგორია: ახალი ამბები, მთავარი თემა   
topnews.com.ge
საქართველოს ოკუპირებული ტერიტორიებიდან დევნილთა, შრომის, ჯანმრთელობისა და  სოციალური დაცვის  მინისტრმა ეკატერინე  ტიკარაძემ,  იმერეთის რეგიონში - ზესტაფონში, ქუთაისსა და სამტრედიაში დევნილ მოსახლეობასთან შეხვედრები გამართა და მათ პრობლემებს ადგილზე გაეცნო. ინფორმაციას ამის შესახებ ჯანდაცვის სამინისტრო ავრცელებს.

უწყების ცნობით, იმერეთის რეგიონში აქტიურად მიმდინარეობს ბინათმშენებლობის პროცესი. 2020 წელს ქუთაისში 725, წყალტუბოში კი - 560 ბინის განაწილება იგეგმება.  ბინით დაკმაყოფილდებიან პირველ რიგში ის დევნილი ოჯახები, რომლებიც გაუსაძლის პირობებში ცხოვრობენ და საჭიროებენ დაუყოვნებლივ განსახლებას. პარალელურად მოხდება ნგრევადი და სიცოცხლისთვის საშიშ ობიექტების დახურვა.

მინისტრის თქმით, იძულებით გადაადგილებული  პირების  განსახლება  და  მათთვის საარსებო  წყაროების გაჩენაში  ხელშეწყობა მთავრობის მთავარ პრიორიტეტს წარმოადგენს.

 „მოვედით, რომ გაგეცნოთ და ღია დიალოგის  ფარგლებში, მოვისმინოთ  თქვენი   პრობლემები. გვაქვს სრული მზაობა, უყურადღებოდ  არ დავტოვოთ საკითხები, რომლებიც გაწუხებთ. ჩვენი მთავარი პრიორიტეტია იძულებით გადაადგილებული  პირების  განსახლება  და  მათთვის საარსებო  წყაროების გაჩენაში  ხელშეწყობა,"- განაცხადა ეკატერინე ტიკარაძემ.

ეკატერინე ტიკარაძე ქუთაისში, სასტუმრო „ხვამლში“ მცხოვრებ იძულებით გადაადგილებულ ოჯახებს ეწვია და მათ საცხოვრებელ პირობებს ადგილზე  გაეცნო. ასევე მოინახულა აღმაშენებლის ქუჩაზე, ახალაშენებულ კორპუსში მცხოვრები  დევნილები,  რომელთათვისც  ერთ-ერთი მნიშვნელოვან საკითხს ბინების დაკანონება წარმოადგენდა.

მინისტრის თქმით, მთავრობის შესაბამისი განკარგულება უკვე გამოიცა და იძულებით გადაადგილებულ ოჯახებს მართლზომიერ მფლობელობაში არსებული საცხოვრებელი ფართები უახლოეს მომავალში დაუკანონდებათ.

მინისტრი  ზესტაფონში,  რუსთაველის ქუჩაზე და სამტრედიაში, ეგრისის ქუჩაზე მცხოვრებ დევნილ მოსახლეობასაც შეხვდა და სოციალური და ინფრასტრუქტურული პრობლემების შესახებ ინფორმაცია მოისმინა.

ეკატერინე ტიკარაძემ დევნილ მოსახლეობას იმ პროგრამების შესახებ მიაწოდა ინფორმაცია, რაც მათ საარსებო  წყაროების გაჩენაში ხელს შეუწყობს.  ეს შეეხება, როგორც მცირე  ბიზნესში ხელშეწყობას, ისე  გადამზადებას და  პროფესიული  განათლების  დაფინანსებას. აღნიშნული პროგრამებით 3000-ზე მეტმა დევნილმა  ოჯახმა უკვე ისარგებლა.

დევნილ მოსახლეობასთან გამართულ შეხვედრებს დევნილთა და ეკომიგრანტთა პროგრამების ადმინისტრირების უფროსის მოვალეობის შემსრულებელი ბესარიონ სიმონიშვილი, იმერეთის გუბერნატორი ზვიად შალამბერიძე და ადგილობრივი ხელისუფლების წარმომადგენლები ესწრებოდნენ.
მსგავსი ფორმატის შეხვედრები იძულებით გადაადგილებულ პირებთან მომავალშიც გაგრძელდება.


ნანახია: 289-ჯერ

მსგავსი სიახლეები
იძულებით გადაადგილებულ პირებს ახალი ბინის გასაღებები დევნილთა, შრომის, ჯანმრთელობისა და სოციალური დაცვის მინისტრმა დავით
სოზარ სუბარმა მათ საცხოვრებელი ფართის საკუთრების დამადასტურებელი მოწმობები გადასცა.

ამინდი