ქუთაისში ნიკეას ქუჩისა და სულხან-საბას გამზირის დამაკავშირებელი გზის რეაბილიტაცია მიმდინარეობს

ქუთაისში ნიკეას ქუჩისა და სულხან-საბას გამზირის დამაკავშირებელი გზის რეაბილიტაცია მიმდინარეობს. სამუშაოების შედეგად, საგზაო ინფრასტრუქტურა 2.7 კმ-იან მონაკვეთზე მოწესრიგდება.

ამ დროისთვის, ასფალტ-ბეტონის საფარის დაგების სამუშაოები მიმდინარეობს.

პროექტი სახელმწიფო ბიუჯეტიდან ფინანსდება და მისი ღირებულება 3 425 000 ლარია.

საავტომობილო გზების დეპარტამენტი ქუთაისში სულ 10 ქუჩის რეაბილიტაციას განახორციელებს.