ქუთაისის 'ეტალონი მოსწავლის' ვინაობა ცნობილია

ქუთაისში საგანმანათლებლო პროექტ „ეტალონის“ გამარჯვებული გამოავლინეს. ქუთაისის “ეტალონი მოსწავლე 2019“ პირველი საჯარო სკოლის მოსწავლე მარიამ მებუკე გახდა.

კონკურსში ქალაქის საჯარო და კერძო სკოლების, პირველი ეტაპის ტესტირების გამარჯვებული, 82 მოსწავლე მონაწილეობდა. კონკურსი უფროსკლასელთათვის (VIII-XI კლასი) ჩატარდა.

ქუთაისის „ეტალონის“ გამარჯვებული მოსწავლე მონაწილეობას მიიღებს 2020 წლის "საქართველოს ეტალონი მოსწავლის" გამოსავლენ ფინალურ ტურში.

„ეტალონის“ შესარჩევ კონკურსს ქუთაისის მერი გიორგი ჭიღვარია და იმერეთის სახელმწიფო რწმუნებულის პირველი მოადგილე იოსებ ხახალეიშვილი დაესწრნენ.