რუსი ტურისტების აქცია ქუთაისში: პუტინო, წადი და თავი დაგვანებე

ქუთაისში მყოფმა რუსმა ტურისტებმა რუსეთის პრეზიდენტის ვლადიმერ პუტინის წინააღმდეგ და უკრაინის მხარდასაჭერად აქცია გამართეს.
"რუსებო თავს ნუ მოიტყუებთ"– ამ სლოგანით ჩატარებულ აქციას ქუთაისელთა ნაწილიც შეუერთდა.
აქციის ორგანიზატორების თქმით, მათთვის მიუღებელია ვლადიმერ პუტინის ის გადაწყვეტილება, რომლის საფუძველზეც ყირიმში რუსი სამხედროები გამოჩნდნენ.
" ჩვენ უკრაინელ ხალხს მხარს ქუთაისიდან ვუჭერთ. ყველამ იცის, რომ პუტინის პოლიტიკა არის დიქტატორული და მას სურს, რომ საბჭოთა კავშირი აღადგინოს. დარწმუნებულები ვარ, რომ პუტუნი ამ ოცნებას ვერ აისრულებს,"– განაცხადეს აქციის მონაწილეებმა.